«Աստղալից գիշեր»

Հոլանդացի նկարիչ Վինսենթ վան Գոգը 1889 թվականի մայիսից սկսած մեկ տարի անց է կացրել Ֆրանսիայի «Սեն Պել դե Մոզոլ» հոգեբուժարանում։ Իր եղբոր խնդրանքով Վինսենթին թույլ են տվել հոգեբուժարանում զբաղվել նկարչությամբ։ Հենց այդտեղ հունիսին ստեղծվեց «Աստղալից գիշերը»։ Իր պալատի պատուհանից դուրս նայելով` նա մեկ գիշերում նկարեց բոլորին հայտնի այդ նկարը։ Նա շատ էսքիզներ էր գծել, որտեղ երևում էին ցորենի դաշտերը և անկյունագծով անցնող լեռները։ Ոչ մի էսքիզում գիշեր պատկերված չէր։ Իր վերջին էսքիզներից մեկը, որ միակ գիշերայինն էր, հիմա գտնվում է Նյու Յորքում։ Այս էսքիզը նկարելուց երկու օր հետո ստեղծվեց «Աստղալից գիշերը»։

Վան Գոգի սենյակի պատուհանից ոչ մի գյուղ չէր երևում։ Հնարավոր է, դա հոգեբուժարանի մյուս կողմում գտնվող գյուղն է։ Կա նաև մեկ այլ վարկած, որ նկարիչն այն նկարել է հիշողությամբ, իր ծննդավայրի նման։

10.03 Քերականություն

1. Գրե՛լ ա և ե խոնարհման հնգական պարզ բայեր։

ա խոն․ - կարդալ, շողալ, լվալ, դառնալ, աղալ

ե խոն․ - խուսափել, ունկընդրել, կրճատել, սովորել, համբուրել

Ո՞ր բայերն են կոչվում պարզ։

Պարզ են կոչվում այն բայերը, որոնք -ել/-ալ վերջավորությունից առաջ՝ հիմքում բայածանց չունեն։

2. Գրե՛լ հինգ ածանցավոր բայեր։

կպցնել, ակտիվացնել, թեքվել, փախչել, թռչկոտել

Ո՞ր բայերն են կոչվում ածանցավոր։

Ածանցավոր են կոչվում այն բայերը, որոնք հիմքում՝ վերջավորությունից առաջ ունեն բայածանց։

3. Գրե՛լ սոսկածանցավոր բայեր։

փախչել, թռչել, մոտենալ, քարանալ, անցնել, իմանալ

Ինչո՞ւ են այս բայերը կոչվում սոսկածանցավոր։

Սոսկածանց նշանակում է միայն ածանց, այն բայի իմաստը չի փոխում։

4. Գրե՛լ պատճառական ածանց ունեցող բայեր։

կպցնել, պատկերացնել, հագցնել, մոտեցնել

Ինչո՞ւ են այս բայերը կոչվում պատճառական։

Օրինակ՝ կպցնել, այսինքն ինչ-որ բանի կպչելու պատճառ հանդիսանալ։

9.03 Փոխադրություն

Գրաբար

Նմանեցաւ արքայութիւնն երկնից՝ առն, որ սերմանիցէ սե՛րմն բարի յագարակի իւրում: Եւ ի քուն լինել մարդկան, եկն թշնամի նորա. եւ ցանեաց ի վերայ որոմն ի մէջ ցորենոյն՝ եւ գնա՛ց: Եւ իբրեւ բուսաւ խոտն եւ արար պտուղ, ապա երեւեցա՛ւ եւ որոմն: Մատուցեալ ծառայք տանուտեառնն ասեն ցնա. Տէ՛ր՝ ո՞չ սերմն բարի սերմանեցեր յագարակին քում, արդ՝ ուստի՞ ունիցի զորոմն: Եւ նա ասէ ցնոսա. Ա՛յր թշնամի արար զայն: Ասեն ցնա ծառայքն. Կամի՞ս՝ զի երթիցուք քաղեսցուք զայն ի բաց: Եւ նա ասէ ցնոսա. Մի՛. գուցէ՛ մինչ քաղիցէք զորոմնն, եւ զցորեա՛նն ընդ նմին ի բաց խլիցէք: Թո՛յլ տուք երկոցունց աճել ի միասին մինչեւ ի հունձս, եւ ի ժամանակի հնձոց ասացի՛ց ցհնձաւղսն. Քաղեցէ՛ք նախ զորոմնդ, եւ կապեցէ՛ք զայդ խրձունս առ ի յայրել. եւ զցորեանն ժողովեցէ՛ք ի շտեմարանս իմ: 

Աշխարհաբար
Երկնքի արքայությունը նման է մարդու, որն լավ սերմ ցանեց ագարակում։ Երբ մարդիկ քնած էին, նրա թշնամին եկավ և ցորենի մեջ որոմ ցանեց։ Երբ խոտը բուսնեց և պտուղ տվեց, երևաց նաև որոմը։ Ծառաները տանտիրոջն ասացին․ «Տե՛ր, չէ՞ որ դու ագարակում բարի սերմեր էիր ցանել, իսկ որտեղի՞ց է որոմը»։ Տերը նրանց ասաց․ «Դա թշնամին է արել»։ Ծառաներն ասացին․ «Կուզե՞ս գնանք, քաղենք այն»։ Տերն ասաց․ «Ո՛չ, միգուցե որոմը քաղելիս ցորենն էլ արմատախիլ անեք։ Թողե՛ք մինչև հնձելը միասին աճեն, և հնձելու ժամանակ ես հնձողներին կասեմ «Սկզում քաղե՛ք որոմն ու այրելու համար խրձեր կապե՛ք, և ցորենը հավաքե՛ք իմ շտեմարանի մեջ»»։